Kërcet arma në Prishtinë, dy të plagosur

Dy persona janë plagosur me armë zjarri në Mramor të Prishtinës.

Plagosja me armë zjarri ka ndodhur sot të Liqeni i Badovcit, në fshatin Mramor të Prishtinës. Zyrtar nga Policia e Kosovës ende nuk kanë dhënë detaje për ngjarjen.

Grupi hetimor ka mbërritur në vendngjarje për të zbardhur të plotë shkakun e plagosjes së dy të rinjve.

Sakaq theksojmë se disa ditë më parë, Policia e Kosovës njoftoi se është gjetur dhe konfiskuar pistoleta, e cila është përdorur për vrasjen e 23-vjeçarit dhe plagosjen dy vëllezërve të tij në Klinë.

Në vendin e ngjarjes janë gjetur dhe konfiskuar 3 gëzhoja dhe 1 fishek. Vrasja ka ndodhur në parkingun e një restorant në Volljakë të Klinës.

Viktimat fillimisht janë dërguar në QKMF-Klinë, e më pas në emergjencën e Spitalit Rajonal në Pejë, nga ekipi mjekësor është konstatuar vdekja e njërit nga të lënduarit.

Policia ka treguar edhe inicialet e të dyshuarve për këtë rast.

A.G. lindur me 1980,·N.G. lindur me 1992, A.G. lindur me 1998, B.G. lindur me 1985, B.G. lindur me 1974