Këshilli i Bashkimit Evropian pritet të marrë vendim për negociatat me Shqipërinë dhe Maqedoninë e Veriut gjatë ditës së sotme, raporton News24. Në Samitin e Madridit që po mbahet prej dy ditësh, pritet që sot krerët e vendeve të BE-së të fusin në rend dite edhe “dosjen” e Shqipërisë dhe RMV.
Gjatë ditës së enjte, kryeministri Rama paralajmëroi në rrjetet sociale se mund të ketë një lajm të mirë që vjen nga Bullgaria në lidhje me procesin e integrimit të Shqipërisë dhe Maqedonisë së Veriut.
Rama publikoi në Facebook një video nga punimet e samitit të NATO-s në Madrid.
“Mbase sot lajmi i mirë…”, shkruante Rama teksa shihej duke biseduar me liderët perëndimorë dhe presidentin bullgar Rumen Radev.
Kujtojmë që një samit i BE-së me 23-24 qershor dështoi të marrë një vendim për mbajtjen e konferencës së parë ndërqeveritare me dy shtetet e Ballkanit Perëndimor që ofertën e tyre të integrimit e kanë të përbashkët, për shkak të vetos bullgare.
Discussion about this post