Tërmet i fuqishëm, lëkundjet ndihen në disa qytete. Raportohen dëme

Lëkundje të fuqishme tërmeti janë ndjerë në vend mbrëmjen e sotme.

Sipas të dhënave paraprake nga Qendra Kombëtare Operacionale e Emergjencave Civile dhe Igjeum, lëkundje tërmeti me magnitudë 4.7 Richter, me epiqendër 3 km në jug të Klosit, janë ndier në të gjithë territorin e Shqipërisë.

Sipas të dhënave të deritanishme raportohen disa dëme të lehta në Njësinë Administrative Xibër, Bashkia Klos.

“Të gjitha strukturat e Mbrojtjes Civile janë në gatishmëri dhe në kontakt të vazhdueshëm më të gjitha Bashkitë e vendit”, shprehet në një njoftim Ministri i Mbrojtjes Niko Peleshi.

Tërmeti u shoqërua me paslëkundje.

Në kryeqytet, lëkundjet kanë shkaktuar panik te banorët, shumë prej të cilëve kanë dalë nga banesat.