Makina përplas fëmijën 3 vjeç në Durrës

Policia e Durrësit njofton se një makinë ka përplasur një të mitur 3 vjeç në aksin Maminas -Marikaj.

Fëmija është dërguar me urgjencë në spital, kurse shoferi është vënë në pranga.

Grupi hetimor vijon punën për sqarimin e rrethanave të aksidentit.

Njoftimi:

Durrës/Informacion paraprak

Rreth orës 17:40, në aksin rrugor “Maminas-Marikaj”, automjeti me drejtues shtetasin R. B., 43 vjeç, ka përplasur një të mitur 3 vjeç.

I mituri ndodhet nën kujdesin e mjekëve, ndërsa drejtuesi i automjetit u shoqërua në ambientet e DVP Durrës, për veprime të mëtejshme.

Grupi hetimor vijon punën për sqarimin e rrethanave të aksidentit.