Presidenti i Republikës Ilir Meta ka firmosur kërkesën e kandidatit për president Bajram Begaj, i cili jep dorëheqje nga gradat ushtarake. Kështu Meta i hap rrugë votimit të tij nga Kuvendi për t’u bërë presidenti i republikës së Shqipërisë. Lajmi e ka bërë të ditur zëdhënësi i tij, i cili ka shpërndarë edhe një video teksa Meta firmos dekretin.
“Presidenti i Republikës, Sh.T.Z Ilir Meta firmos dekretin për lirimin nga detyra e Shefit të Shtabit të Përgjithshëm të Forcave të Armatosura të Republikës së Shqipërisë, si dhe nxjerrjen në lirim nga shërbimi aktiv në Forcat e Armatosura, të Gjeneralmajor Bajram Rushit Begaj”, shkruan ai.
Meta deklaroi më herët se “është në ndjekje të procedurës për zgjedhjen e zotit Bajram Begaj si President i ri i Republikës dhe do të respektojë çdo vendim të Kuvendit të shprehur me votë”.
Discussion about this post