Ka ndërruar jetën ditën e sotme dirigjenti i njohur shkodran, Kujtim Alija. Mësohet se, Alija kohët e fundit vuante nga një sëmundje e rëndë, e cila i mori dhe jetën.
Lajmin e hidhur e ka bërë me dije kryetarja e Bashkisë së Shkodrës, Voltana Ademi. Përmes një postimi në “Facebook”, Ademi thekson se kjo është një humbje e madhe për artin dhe kulturën shqiptare.
“Dita e sotme ka nisur me një lajm shumë të trishtë! Mjeshtri i Madh Kujtim Alija është ndarë nga jeta!
Një humbje e jashtëzakonshme për artin e kulturën shqiptare, për Shkodrën e Shqipërinë. Nuk gjej fjalë për të përshkruar këtë ikje shumë të parakohshme të mësuesit tim, të mësuesit të të gjithë fëmijëve, të mjeshtrit të madh Profesor Kujtim Alija.
Pushofsh në paqe Mjeshtër i Madh, ngushëllime familjes Alija për këtë humbje shumë të madhe!”, shkruan Ademi.
Alija ka qenë organizator për shume vite i festivalit mbarëkombëtar të fëmijëve si dhe drejtues i qendre kulturore të fëmijëve në Shkodër, ndërsa mban titullin “Mjeshtër i Madh”.
