Uniformat blu në Kurbin kanë zhvilluar një operacion blic, teksa në pranga kanë vënë një 27-vjeçar i cili ishte në kërkim kombëtar për disa vepra të rënda penale. Bëhet fjalë për të arrestuarin e identifikuar me emrin Armando Marashi.
Policia jep detaje se i riu është kapur duke udhëtuar me mjetin e tij tip Range Rover, ku gjatë kontrollit të ushtruar janë gjetur kallashnikov, drogë, doreza e targa të vjedhura të cilat janë sekuestruar në cilësinë e provës materiale. Në kuadër të operacionit të koduar “Ndërhyrja në Kohë”, policia gjithashtu njofton se 27-vjecari rezulton me precedentë të mëparshëm penale.
Në përfundim të veprimeve të para hetimore u bë arrestimi në flagrancë i shtetasit: Armando Marashi, për veprat penale “Mbajtja pa leje e armëve dhe municionit luftarak”,” Prodhimi dhe shitja e narkotikëve” dhe “Vjedhja”.
