Një granatë është gjetur në një zonë të Maliqit. Gijotina.com mëson se bëhet fjalë për një granatë që daton që nga Lufta e Dytë Botërore.
Granata u gjet në afërsi të një banese në pronësi të Astrit Qelasit, në fshatin Valiterne. Mendohet se granata të jetë e vitit 1941.
Pas konstatimit u njoftua policia dhe iu bë kërkesë Ministrisë së Mbrojtjes për demonitimin e saj.
Maliqi është një zonë e rëndësishme arkeologjike ndër të vetmet në Shqipëri për periudhën e paleolitit të hershëm. Nga gërmimet arkeologjike aty janë gjetur ndërtesat palafite (ndërtesa me drurë mbi ujë) si dhe shumë sende të rëndësishme me vlerë arkeologjike. Dy pika të tjera arkeologjike pranë tij janë dy kodrat e Gradishtës si dhe të Hijes së Korbit të cilat në lashtësi kanë qenë dy qytet të hershme në mbretërinë e parë ilire.
Nga mesi i vitetve ’50 u vendos në punë kombinati i sheqerit që punësoi më shumë se gjysmën e popullsisë së asaj kohe. Në kompleksin e kombinatit prodhohej dhe alkool, vodkë si dhe niseshte. Pjesë e tij ishte dhe TEC-i i cili furnizonte me energji qytetin dhe një pjesë të rrethinave përreth. Nga të gjitha këto tashmë funksionon vetëm prodhimi i niseshtesë kurse pjesa tjetër e tij që pas viteve ’90 e në vazhdim amortizohet nga viti në vit dhe ka dalë plotësisht jashtë përdorimit.
Discussion about this post