Një aksident i rëndë ka ndodhur këtë paradite në Tiranë. Bëhet me dije se një punonjës policie në detyrë, është përplasur nga një mjet tip “Ford”. Ngjarja ka ndodhur në rrugën “Thoma Koxhaj”, mjeti në pronësi të shtetases D. M., me drejtues ende të paidentifikuar, ka goditur punonjësin e Policisë Z. M., me detyrë Oficer i Patrullës së Përgjithshme. Bëhet me dije se drejtuesi i mjetit është larguar me shpejtësi nga vendi i ngjarjes.
Si pasojë punonjësi i Policisë është dëmtuar dhe ndodhet në spital, jashtë rrezikut për jetën. Ndërkohë, grupi hetimor po punon për identifikimin dhe kapjen e drejtuesit të mjetit dhe sqarimin e rrethanave të ngjarjes.
Discussion about this post