Adriatik Llalla dyshohet se është arratisur. Pas vendimit nga gjykata për urdhër-arrest, policia ka shkuar ta arrestojë në shtëpi ish-kryeprokurorin.
Uniformat blu kanë hapur derën e banesës në Tiranë e cila fillimisht ishte e mbyllur.
Edhe pse Policia ka shkuar në banesën e Llallës, ky i fundit rezulton të jetë larguar jashtë Shqipërisë javët e fundit për në Itali.
Sot Llalla u dënua nga Apeli i GJKKO me dy vite burg dhe konfiskim të pasurive, lënie në fuqi të vendimit të Shkallës së Parë.
Fillimisht u pretendua se Llalla prej një jave është larguar jashtë vendit për t’u mjekuar në një klinikë private në Turqi.
Për këtë të dhënë ka reaguar edhe avokati i Lallës: Unë isha në gjykatën e Apelit dhe shtrova pretendimet e mia për mbrojtjen ligjore. Klienti im ndodhet aktualisht në regjim spitalor.
Theksojmë se nëse nuk paraqitet pas lënies në fuqi të vendimit, ndaj ish kryeprokurorit mund të shpallet urdhër kërkimi ndërkombëtar.
