Ish-ministri i Ekonomisë Genc Ruli është paraqitur sot në SPAK pasi do të merret në pyetje nga Prokuroria e Posaçme në lidhje me privatizimin e ish-kompleksit Partizani.
Ditën e sotme para organit të akuzës është paraqitur ish-ministri i Ekonomisë dhe Financave Genc Ruli pas hetimeve që po bën SPAK në lidhje me këtë çështje. Më herët në lidhje me privatizimin e kompleksit Partizani u mor në pyetje ish-ministri i Mbrojtjes Famtir Mediu dhe gjenerali Vladimir Qirjazi.
Më 17 nëntor 2020 Kreu i grupit parlamentar të PS, Taulant Balla, ka dorëzuar një kallëzim penal në SPAK, për privatizimin e kompleksit “Partizani”. Balla ka ngritur akuzë ndaj ish-kryeministrit Sali Berisha, ish-ministrit të Mbrojtjes Arben Imami, anëtarë të tjerë të qeverisë së drejtuar nga Berisha, Jamarbër Malltezi dhëndrin e Sali Berishës, përfitues direkt i kësaj prone si dhe drejtues të shtabit të ushtrisë shqiptare bashkë me administratorët dhe aksionerët e dy kompanive ndërtuese në atë kompleks.
Discussion about this post