Gjatë operacionit “Relative” janë sekuestruar pasuri me vlerë 2 milionë euro, që dyshohet se e kanë burimin nga veprimtaritë kriminale.
Policia bën me dije se pasuritë i janë sekuestruar gruas së Admir Murajtajt me iniciale A.A. (M)., 47 vjeçe, banuese në Tiranë.
Pasuritë e sekuestruara janë 1 apartament dhe 2 garazhe, në rrugën “Mihal Grameno”, Tiranë, 1 apartament në Sarandë dhe një sipërfaqe toke (pemëtore), në Mjull Bathore.
“Nga veprimet hetimore dyshohet se pasuritë e sekuestruara e kanë burimin nga veprimtaritë kriminale të kryera nga bashkëshorti i shtetases A. A.(M.), i cili ka mbetur i vrarë gjatë grabitjes së një shume të konsiderueshme parash, në Rinas, në vitin 2019″, thuhet në njoftimin e policisë.
Discussion about this post