Policia Kufitare ka goditur një tjetër rast të mosdeklarimit të të hollave në kufi, teksa në hetim është vënë një 57- vjeçar. Bëhet fjalë konkretisht për personin e identifikuar me iniciale O.M., në çantën personale së të cilit, iu gjetën e sekuestruan në cilësinë e provës materiale 17.380 euro, sasi të cilën nuk e kishte deklaruar.
Sakaq, veprimet e mëtejshme u kryen nga specialistët për Hetimin e Krimit Ekonomik-Financiar, në Drejtorinë Vendore të Policisë Korçë, të cilët filluan procedimin penal ndaj O. M., 57 vjeç, banues në Bishqem, Peqin.
Ndërsa, materialet i kaluan Prokurorisë pranë Gjykatës së Shkallës së Parë Korçë për veprat penale “Mosdeklarimi në kufi i të hollave” dhe “Pastrimi i produkteve të veprës penale ose veprimtarisë kriminale”.
