Një ngjarje e rëndë ka ndodhur në Gjermani ku një i ri shqiptar ka plagosur me thikë shefin dhe kolegun e tij mëngjesin e sotëm. Bëhet fjalë për një 33-vjeçar shqiptar, që sipas mediave gjermane thuhet se ka dëmtime mendore.
Mësohet se ngjarja ka ndodhur kur ata shkuan në furrë së bashku për të blerë mëngjesin. Pak sekonda më vonë, shqiptari nxori papritur një thikë kuzhine në shkallët përballë rreshtit të dyqaneve në Nymphenburg dhe i goditi. Dy burrat u plagosën rëndë nga goditjet me thikë dhe prerje, ndërsa njëri prej tyre është ende në rrezik për jetën.
Shqiptari po hetohet për vrasje të mbetur në tentativë dy herë. Mësohet se akti ka ndodhur papritur, pasi nuk ka pasur asnjë debat mes tyre atë mëngjes. Sipas policisë, shefi 50-vjeçar i firmës së bojës dhe një koleg 28-vjeçar, të dy kanë rrënjë kosovaro-serbe. Ata gjatë sulmit janë goditur disa herë nga autori në qafë, gjoks dhe shpinë.
Discussion about this post