Prokuroria e Tiranës ka sekuestruar serverin e Agjencisë Kombëtare e Shoqërisë të Informacionit në lidhje me skandalin e publikimit te listave të tatim-paguesve ku ishin pagat dhe të dhëna të tyre personale. Gjithashtu është sekuestruar edhe serveri i drejtorisë së Tatimeve si dhe atë të Institutit të Sigurimeve. Sipas të dhënave, kjo lëvizje nga ana e Prokurorisë është bërë për arsye që mos të ndërhyhet në server.
Sakaq, bëhet me dije se Prokuroria e Tiranës, po kryen veprimet hetimore për lidhur me skandalin ku janë publikuar të dhënat personale, pagat dhe vendet e punës të mbi 630 mijë qytetarëve, ku pritet të zbulohen personat përgjegjës për këtë vepër penale. Kujtojmë se ditën e djeshme ka qarkulluar me shpejtësi një listë ku ishin publikuar emrat dhe pagat e punonjësve në privat dhe Administratë. Kjo listë solli reagime të shumta dhe u bë objekt skandali. Sikur të mos mjaftohej me kaq, ditën e sotme është publikuar një listë me pagat e prillit. Qeveria nga ana e saj e ka kaluar topin, duke thënë se po heton për të evidentuar fajtorët, në fakt përgjegjësia rëndon mbi punonjësit e saj.
Discussion about this post