Tentohet të digjet me benzinë 16-vjeçarja në Tiranë

Një ngjarje tronditëse ka ndodhur në Tiranë, ku tre të rinj kanë dhunuar dhe më pas kanë tentuar të djegin me benzinë një të mitur 16-vjeçare.

Sipas policisë, ngjarja ka ndodhur në ambientet e jashtme të një pallati, ndërsa u arrestuan shtetasit E. H., dhe D. M., si dhe u shpall në kërkim Ardit Çela, 25 vjeç, ish-bashkëjetuesi i të miturës.

“Specialistët për Hetimin e Krimeve në Komisariatin e Policisë Nr. 2 arrestuan shtetasit E. H., dhe D. M., si dhe referuan materialet e shpallën në kërkim shtetasin A. Ç., 25 vjeç, pasi dyshohet se në ambientet e jashtme të një pallati, kanë ushtruar dhunë ndaj një 16-vjeçareje (ish-bashkëjetuesja e shtetasit A. Ç.), si dhe kanë tentuar ta dëmtojnë atë me lëndë djegëse (benzinë)”, njofton policia.