Policia e Durrësit ka zhvilluar një operacion blic duke vënë në pranga 8 persona dhe duke shpallur në kërkim dy të tjerë. Fillimisht është bërë arrestimi në flagrancë i A. S., 31 vjeç, banues në Durrës me akuzën për “Moskallëzimi i krimit” dhe “Prodhimi dhe shitja e narkotikëve”. Policia jep detaje se i riu është dënuar më parë për veprën penale “Prodhimi dhe shitja e narkotikëve”, si dhe E. A., 35 vjeç, banues në Durrës, për veprën penale “Prodhimi dhe shitja e narkotikëve”.
Arrestimi i këtyre personave u bë pasi, gjatë kontrollit në banesën e A. S., e cila ishte marrë me qira nga E. A., shërbimet e Policisë gjetën dhe sekuestruan 700 gramë lëndë narkotike cannabis sativa.
Po ashtu në pranga ka rënë edhe Y. Ç., 39 vjeç, banues në Durrës, për veprën penale “Përshtatja e lokalit për përdorim droge”, pasi kishte përshtatur lokalin e tij që ndodhej poshtë kësaj banese, për shpërndarjen e lëndës narkotike në doza të vogla.
Po nga specialistët për Hetimin e Narkotikëve u arrestua në flagrancë për veprat penale “Mosbindja ndaj urdhrit të punonjësit të policisë” dhe “Drejtimi i automjeteve të mënyrë të parregullt”, K. R., 26 vjeç dhe për veprën penale “Prodhimi dhe shitja e narkotikëve”, E. V., 30 vjeç, të dy banues në Durrës.
Pas ndalimit të tyre rezultoi se i K. R. drejtonte motomjetin pa leje drejtimi, ndërsa E. V., gjatë kontrollit fizik, iu gjet dhe sekuestrua një sasi lënde narkotike cannabis sativa.
Po ashtu policia e Durrësit ka goditur 2 raste të ushtrimit të lotarive të palejuara.
Ku në pranga kanë rënë E. H., 23 vjeç, si dhe bënë shpalljen në kërkim të A. B., 31 vjeç, banues në Durrës, pasi ushtronin aktivitetin e lotarive të palejuara nëpërmjet basteve sportive me anë të aparateve celular, në ambientet e lokalit në pronësi të A. B., në lagjen nr.1 Durrës.
K. N., 23 vjeç, si dhe u bë shpallja në kërkim e s G. N., 49 vjeç, të dy banues në Durrës, pasi gjatë kontrollit në lokalin në pronësi të tyre, në lagjen nr.8. Durrës, u konstatuan duke organizuar lotari të palejuara.
Sakaq, specialistët e Qarkullimit Rrugor në DVP Durrës arrestuan në flagrancë A. B., 47 vjeç, banues në Kavajë, pasi u konstatua duke drejtuar mjetin tip “Volkswagen”, në gjendje të dehur.
