Policia e Tiranës nëpërmjet një aksioni të zhvilluar sërish në kryeqytet, ka goditur një tjetër rast të tentativës për kultivim të bimëve narkotike, teksa në pranga ka vënë dy persona (babë e bir) dhe ka vënë në hetim kryeplakun e zonës dhe inspektorin e pyjeve.
Më konkretisht në pranga kanë rënë E. M., 32 vjeç dhe H. M., (babë e bir) pasi gjatë kontrollit të ushtruar në tokën e tyre, shërbimet e Policisë kanë gjetur të kultivuar fidanë të dyshuar cannabis sativa. Gjithashtu, u proceduan në gjendje të B. K., 33 vjeç, me detyrë inspektori i pyjeve dhe A. G., 51 vjeç, ( kryeplaku i fshatit) të dy për veprën penale “Shpërdorimi i detyrës”.
Po ashtu Forcat e Posaçme “Shqiponjat” kanë vënë në pranga M. S., 25 vjeç, pasi gjatë kontrollit fizik të ushtruar ndaj tij, iu gjet dhe iu sekuestrua një sasi me lëndë narkotike kokainë.
Sakaq prangave të policisë nuk u ka shpëtuar as D. P., 30 vjeç dhe L. Sh., 48 vjeç, pasi janë kapur në flagrancë, duke vjedhur skuterin elektrik në pronësi të shtetasit A. I.
Si dhe E. Ç., 30 vjeç, pasi ka ushtruar dhunë fizike dhe psikologjike ndaj bashkëshortes së tij.
Në pranga edhe U. A., 33 vjeçe, pasi për motive të dobëta, ka goditur me një mjet prerës (thikë), ish-njerkun e saj, të cilit iu plotësua kërkesë-padia për lëshimin e urdhërit të mbrojtjes së menjëhershme.
Nga specialistët e Qarkullimit Rrugor u bë arrestimi në flagrancë i shtetasve:
D. K., 20 vjeç, pasi u kap duke drejtuar mjetin pa lejen përkatëse;
G. M., 24 vjeçe, pasi u kap duke drejtuar mjetin në gjendje të dehur në masën 1.04 mg/l.
