Vrasje me armë zjarri në Tiranë, identifikohet viktima

Një vrasje me armë ka ndodhur mbrëmjen e sotme në Tiranë.

Burime nga policia kanë bërë të ditur, se një person ka mbetur i plagosur me armë zjarri.

Ngjarja ka ndodhur në zonën e ‘Pallatit me Shigjeta’ në kryeqytet.Viktima është identifikuar si Bujar Nasufi.

“Rreth orës 20:40, tek “Pallati me Shigjeta” në rrugën “Myrte Zeneli”, është qëlluar me armë zjarri në drejtim të një automjeti me drejtues shtetasin B.N, rreth 56 vjeç, i cili si pasojë ka humbur jetën.

Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.

Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit”, njoftoi policia.