Një i ri ka humbur jetën pasi dyshohet se është qëlluar aksidentalisht me armë zjarri në Bulqizë. Viktima është 36-vjeçari Vasil Kamberi, ndërsa autori i dyshuar është kushëriri i tij Flamur Kamberi, 34 vjeç.
Sipas hetimeve paraprake, Vasil Kamberi është qëlluar me çifte nga kushëriri teksa ndodheshin në pyllin e fshatit Tërnovë e Vogël.
36-vjeçari ka mbetur i plagosur edhe sipas burimeve zyrtare nga policia, ka humbur jetën gjatë transportimit me helikopter për në spital.
Dyshimet e para të grupit hetimor janë se ngjarja është aksidentale, megjithatë hetimet janë në vijim.
Policia lokale njoftoi se, “rreth orës 12.00, është marrë njoftim se në pyllin e fshatit Tërnovë e Vogël në Bulqizë, është plagosur me armë gjahu (çifte), shtetasi V.K., 36 vjeç, i cili si pasojë e plagëve të marra, ka humbur jetën gjatë transportimit me helikopter për në spital”.
Nga veprimet e para hetimore, shtuan të njëjtat burime, “ka rezultuar se autori i dyshuar i ngjarjes është shtetasi F.K., 34 vjeç (i afërm me shtetasin V.K.), i cili është shoqëruar në Komisariatin e Policisë për veprime të mëtejshme”.
“Grupi hetimor nën drejtimin e Prokurorisë vijon veprimet në vendngjarje për sqarimin dhe dokumentimin e plotë ligjor të kësaj ngjarjeje”, mbyllet njoftimi i bluve.
Lexo edhe:
Vrau kushëririn me armë gjahu, arrestohet autori, policia: Tre persona të tjerë…
Discussion about this post