Gara mes Liz Truss dhe Rishi Sunak mbaroi sot! Trus mundi Sunak dhe merr sot çelësat e Kryeministrisë së Britanisë së Madhe, pas një gare rraskapitëse e cila e nxori fituese të drejtimit të Partisë Konservatore në pushtet.
Ajo falenderoi mbështetësit, rivalin e saj dhe ish kryeministrin Boris Johnson.
“Miq dhe kolegë, faleminderit që më dhatë besimin për të drejtuar partinë tonë të madhe Konservatore, partinë më të madhe politike në planet. Dua gjithashtu të falenderoj kryeministrin në largim, mikun tim Boris Johnson”, tha Liz Truss.
Sipas asaj që shkruan BBC, sfida e parë urgjente e udhëheqëses së re të konservatorëve është shpallja e një plani për të trajtuar kostot në rritje të energjisë.
Truss mësohet se po shqyrton një ngrirje të faturave të energjisë. Ekipi i saj po shikon “shumë masa”, thotë një burim për BBC, të cilat pritet të bëhen publike të enjten. Truss pritet të marrë zyrtarisht detyrën e kryeministres të martën, kur do të udhëtojë për të takuar mbretëreshën në Balmoral të Skocisë.
Discussion about this post