Një avion ushtarak i Forcave Ajrore Italiane i nisur nga aeroporti Trapani Birgi dhe që po kthehej në bazë është zhdukur. Agjencia e lajmeve ANSA shkruan se lajmi është konfirmuar nga burime në aeroportin civil. Sipas të njëjtave burime në zonë po kryhen kërkime edhe me ndihmën e një helikopteri.
Avioni që besohet se u rrëzua në zonën e Trapanit është një avion luftarak Eurofighter. Për momentin po vijojnë kërkimet për pilotin i cili shpresohet të ketë arritur të shpëtojë veten duke u hedhur me parashutë.
Kontakti me kullën e kontrollit u ndërpre ndërsa Eurofighter Typhoon, një përgjues luftarak me shumë qëllime, po i afrohej aeroportit në zonën Guarrata të Marsala ku po përqendrohen kërkimet. Avioni besohet se u rrëzua në Locogrande, disa kilometra në veri të Marsala. Kjo është zona e bregdetit ku po përqendrohet kërkimi i pilotit.
Discussion about this post