Ndahet nga jeta profesor Naxhi Mamani, i cili ishte njëkohësisht profesor dhe themelues i Fakultetit të Ekonomisë në Universitetin “Eqerem Çabej” të Gjirokastrës.
Lajmin e trishtë e ka dhënë familja dhe intelektualët e qytetit jugor. Ata shkruajnë me dhimbje për ikjen e një njeriu me vlera, që mbylli sytë përgjithmonë mëngjesin e sotëm. Profesori i Ekonomisë Naxhi Mamani lindi në 7 qershor 1944 në Gjirokastër. Sot, në moshën 78 vjeçare ai ka ndërruar jetë si pasojë e një sëmundje të rëndë dhe të pashërueshme, e cila e mundonte prej kohësh.
“Ky burri që ndodhet mes këtyre studentëve është Profesor Naxhi Mamani. Sot Prof. Naxhiu iku, u nda nga ne për tu bashkuar me engjëjt lart në qiell. Iku pa kthim, por la pas emrin e tij të nderuar. Prof. Mamani ishte një ekonomist profesionist dhe njëkohësisht edukator me vlera dhe perkushtim intelektual.
Ai do të mbahet mend si Sekretari Shkencor i K.E. Gjirokastër, Kryetar i Dhomës së Tregetisë dhe Industrisë së Jugut dhe si themeluesi i Fakultetit Ekonomik në Universitetin Eqrem Çabej të Gjirokastrës”, shkruan gazetari Engjëll Serjani.
Discussion about this post