Kjo është nata më e keqe në jetën e Cristiano Ronaldos. Futbollisti portugez ka njoftuar se një nga binjakët e tij të porsalindur ka ndërruar jetë. Lajmi i hidhur është dhënë nga vetë futbollisti përmes një postimi në rrjetin e tij social Facebook.
Ylli portugez shkruan se mes dhimbjes njofton humbjen e djalit dhe se ishte një e papritur e madhe për ta.
”Me dhimbje të thellë njoftojmë ndarjen nga jeta të djalit tonë. Është dhimbja më e keqe që çdo prind mund të ndjejë. Vetëm lindja e vajzës sonë na jep forcën për ta jetuar këtë moment me pak shpresë dhe lumturi.”
Gjithashtu ai ka shkruar se ndjehet falenderues ndaj stafit mjekësor që ka bërë të pamundurën.
“Dëshirojmë të falënderojmë mjekët dhe infermierët për gjithë kujdesin dhe mbështetjen që na kanë dhënë.”
Së fundmi, Cristiano Ronaldo e ka mbyllur postimin e tij se në këtë kohë të vështirë kërkon privatësi.
“Ne jemi të shkatërruar dhe kërkojmë privatësi në këtë kohë të vështirë. Djali ynë, ti je engjëlli ynë. Ne do të të duam përgjithmonë.”
Discussion about this post