Lajme aspak të mira vijnë nga klubi i Dinamos, i cili duket se ndeshjen e parë në Kategorinë Superiore pas 9 vitesh do duhet ta luajë pa një nga emrat më kryesorë të skuadrës.
Lansinet Sidibe ka tmerruar klubin, duke u sëmurë me temperaturë dhe dhimbje fyti. Gjendja e lojtarit do të shihet më saktë ditën e sotme nga mjekët e klubit, para seancës stërvitore.
Trajneri Shkëmbi e ka hedhur mesfushorin në fushë nga minuta e parë në miqësore dhe pritej që të ishte pjesë e formacionit startues të sezonit të ri.
Ndërkohë si alternativë për mesfushën tani shihet Ali Samake, me trajnerin korçar që do shohë në javën e parë sesi funksionon Dinamo e re në një ndeshje zyrtare.
‘Blutë’ e kryeqytetit do të luajnë të dielën në orën 13:45 në transfertë me Kastriotin, në një ndeshje që nuk pritet të jetë nga më të vështirat për Dinamon./Gijotina.com
