Sulmuesi kryesor i Lazios Ciro Immobile do të humbasë ndeshjen kundër Bolognas që do të luhet këtë të dielë në orën 12:30 në stadiumin “Renato Dall’Ara,.
Në një njoftim në faqen zyrtare të klubit ‘Bardhekaltër’ bëhet me dije se italiani nuk mund të luajë për shkak të dëmtimit që pësoi në ndeshjen e ‘Europa League.
“Stafi mjekësor njofton se futbollisti Ciro Immobile, gjatë ndeshjes së fundit të ‘Europa League’ pësoi një dëmtim të shkallës së ulët në muskulin semimembranoz të kofshës së djathtë. Ai iu nënshtrua menjëherë trajtimit të nevojshëm. Në ditët në vijim, monitorimi klinik dhe instrumental do të kryhet për të përcaktuar kohën e rifillimit të aktivitetit.”-shkruhet në njoftimin e Lazios.
Sa i keq është ky lajm për klubin, aq i mirë është për lojtarin e Kombëtares së Kosovës Vedat Muriqin. Ai shihet si zëvendësuesi i parë në fushë i Immobile, teksa kjo duket si mundësia që ai mund të tregojë veten.
Ndërsa gjendja e kapitenit të Lazios do të përcaktohet më saktë javën e ardhshme, pasi të kryen sërish të gjitha vizitat e nevojshme mjekësore./K.T/Gijotina.com
