Klubi i Milan ka marrë një lajm të keq përpara sfidës me Fiorentinën këtë të shtunë në orën 20:45, sfidë e vlefshme për javën e 13 të Seria A.
Nga mediat italiane raportohet se Ante Rebic është dëmtuar gjatë seancës së sotme stërvitore dhe si pasojë më shumë mundësi nuk do të jetë pjesë e sfidës qe do të luhet nesër në Firence.
Ndërsa ende nuk dihet se sa kohë do i duhet sulmuesit të qëndrojë jashtë fushave, vendin e tij sipas raportimeve të ‘SportMediaset’ do e zërë Leao.
Kjo ndeshje është shumë e rëndësishme për ‘Kuqezinjtë’ e Italisë që të mos humbasin kreun e tabelës, të cilin e ndajnë me pikë të njëjta me Napolin, pra nga 32 secili. Ndërsa Fiorentina qëndron në vend të 7 me 18 pikë në 12 ndeshje të luajtura./K.T/Gijotina.com
Discussion about this post