Tedi Cara do duhet të qëndrojë sërish jashtë fushave për shkak të dëmtimeve. Sulmuesi i Partizanit u ftua nga trajneri i Kombëtares U-21 për grumbullim për kualifikuese e Europianit U-21, por është detyruar më pas të largohet.
Ky lajm është bërë publik nga Federata Shqiptare e Futbollit, e cila ka shtuar se ai është zëvendësuar nga lojtari tjetër i ‘Të kuqve’ të kryeqytetit, Arinaldo Rrapaj, për shkak se pas ekzaminimeve të bëra mjekët e përfaqësues kanë konstatuar se ai nuk do jetë në gjendje të luajë në këto sfida.
Lojtari 22-vjeçar ka pasur probleme edhe në dy takimet e fundit të Partizanit, në të cilat luajti me sforcim.
Ndërsa tashmë atij i duhet të qëndrojë jashtë fushës së blertë për pak kohë në mënyrë që të rikuperohet për rikthimin e Superligës dhe pushimi prej ndeshjeve të Kombëtareve është një mundësi e mirë për të që të kalojë dëmtimin./K.T/Gijotina.com
Discussion about this post