Ylli i Kombëtares ‘Kuqezi’ Bekim Balaj do të humbasë ndeshjen me Hungarinë që do të luhet këtë të shtunë, për shkak të një dëmtimi.
Sulmuesi u lëndua gjatë stërvitjes të së mërkurës dhe nuk mundi që ta marrë veten kështu që do t’i mungojë Kombëtares në sfidën e radhës.
Ky është një lajm i keq për trajnerin Edi Reja, i cili pak ditë më parë mori vesh lajmin e infektimit me Covid-19 të Erion Hoxhallarit, i cili u karantinua.
Kombëtarja jonë do të ndeshet nesër në orën 20:45 në transfertë me Hungarinë në stadiumin ‘Puskas Arena’, ndërsa më 12 tetor do të përballet në ‘Air Albania’ me Poloninë për kualifikueset e Botërorit ‘Qatar 2022’./K.T/Gijotina.com
