Gjatë mbledhjes së Këshillit të Ministrave gjatë ditës së sotme është vendosur që të gjithë sportistët shqiptarë që arrijnë të marrin çmime ndërkombëtare do të shpërblehen në mënyrë të veçantë për titujt që do të sjellin në vendin tonë.
Në komunikimin për mediat pas kësaj mbledhjeje, Ministrja e Arsimit Sportit dhe Rinisë, Evis Kushi, ka theksuar se të gjithë këta persona si dhe trajnerët e tyre do të vlerësohem.
“Me vendimin e sotëm miratuan disa ndryshime në kritere shpërblime për sportistët që fitojnë në nivele të larta dhe trajnerët e tyre. Ndryshimet janë që sportistët tanë të motivohen që të ecin gjithmonë e më shumë në garat ndërkombëtare. Ata do të vlerësohen të gjithë sipas fashave të rezultateve në të gjithë kampionatet ballkanike, Europiane dhe Botërore.”-tha ajo.
Më tej Kushi shtoi se në veçanti sporti i peshëngritjes, nga i cili u bëmë krenarë se fundmi me Briken Caljan dhe Erkand Qerimaj do të marrin shpërblim për titujt e marrë në të gjitha stilet që konkurrojnë.
“Për shembull në peshëngritje sportistët medalikë do të shpërblehen në të gjitha garat për stilin e shkëputjes, dygarësh dhe shtytjes.”-shtoi ministrja.
Ajo theksoi se nga ky vendim do të përfitojnë të gjithë ata sportistë që kanë marrë çmime gjatë muajve të fundit e pastaj më tej.
“Të gjithë sportistët që e kanë fituar statusin e nivelit të lartë gjatë këtyre muajve e më tej do të trajtohen sipas këtij vendimi. Pra Briken Calja do të shpërblehet për çmimin e marrë, por jo vetëm ai por edhe Erkand Qerimaj e sportistët e tjerë do të shpërblehen për çmimet që kanë marrë.”-deklaroi Evis Kushi./K.T/Gijotina.com
Discussion about this post