Federata Shqiptare e Futbollit vjen me një tjetër risi për të gjithë tifozët shqiptarë, teksa së shpejti është duke bërë gati edhe kanalin e saj televiziv. FSHF TV do të jetë i aksesueshëm së shpejti për të gjithë tifozët shqiptarë të futbollit. Ky kanal TV do të shërbejë per te promovuar futbollin vendas dhe aktivitetet e FSHF të cilat kane qënë të shumta në vitet e fundit, si dhe futbollin e te rinjve dhe atë amator.
Një hapësirë të rëndësishme në FSHF TV do të ketë edhe Kombëtarja shqiptare dhe aktiviteti i saj, ndeshjet më të mira në historinë e saj, si edhe emisione të dedikuara për skuadrën kuqezi.
Nuk do të mungojnë ndeshjet e ekipeve kombëtare të moshave për djem e vajza, si edhe ndeshjet e kampionateve kombëtare për moshat U-17 & U-19 për djem e vajza.
Gjithashtu do të transmetohen emisione të dedikuara mbi aktualitetin dhe ngjarjet futbollistike kryesore në vend, dokumentarë historikë mbi ngjarjet apo personazhe të ndryshëm që kanë lënë gjurmë në historinë e futbollit në vend.
Ky kanal do të ofrohet pa pagesë dhe së shpejti do të nisë transmetimet në platformën OTT të Klani IM.
Discussion about this post