Lajm i mirë, ankorohet pas 12 orësh në portin e Vlorës trageti me 118 persona

Trageti me 118 persona që po kthehej nga Brindisi i Italisë dhe prej 12 orësh ngeli në detin e trazuar ët Vlorës, më në fund është ankoruar në port.

Mjeti lundrues duhej të ishte ankoruar në port që prej orës 6 të mëngjesit, por për shkak të erës së fortë dhe stuhisë ka ngecur mes detit të trazuar.

Kujtojmë se kjo situatë është përsëritur disa herë në Portin e Vlorës. Më 30 nëntor, po për shkak të motit të keq, 129 pasagjerë në bordin e tragetit që vinte nga Brindisi mundën të zbrisnin në tokë pas 6 orësh në mes të detit të trazuar.

Ndërkohë sot është pezullua edhe lundrimi për anijet e peshkimit në Vlorë dhe mjetet e vogla, teksa dallgët në det shkojnë në lartësi nga 1.50 deri në 2.50 metra.

Sipas meteorologëve, pritet një përkeqësim i mëtejshëm i kushteve të motit që do të vijojnë deri mëngjesin e së shtunës.