Milani ka bërë me dije se Brahim Diaz është shëruar nga Covid-19. Mesfushori rezultoi pozitiv më 15 tetor, por tani është rikuperuar, prandaj i lejohet të stërvitet me ekipin.
Ky lajm është bërë publik nga klubi ‘Kuqezi’ i Italisë në një postim në faqen zyrtare, ku theksohet se lojtari ka rezultuar negativ së fundmi.
“AC Milan njofton se Brahim Diaz ka rezultuar negativ në testin e fundit për Covid-19”,-thuhet në një deklaratë të klubit.
Milan do presë Torinon në ‘San Siro’ sonte, por spanjolli nuk do të jetë i disponueshëm për ndeshjen.
22-vjeçari ka pasur një fillim të shkëlqyer të sezonit me katër gola dhe dy asistime në nëntë paraqitje në të gjitha garat. Kuqezinjtë e Italisë janë liderët e Serisë A me pikë të barabarta me Napolin.
Mbetet për t’u parë nëse Brahim do të jetë në gjendje të luajë kur ‘Djalli’ të udhëtojnë në Romë të dielën për t’u përballur me skuadrën e trajnerit Jose Mourinho.
Theo Hernandez gjithashtu u shërua nga COVID dy ditë më parë. Francezi është në dispozicion të trajnerit Stefano Pioli kundër Torinos, por do ta startojë takimin nga stoli./K.T/Gijotina.com
