Një lajm i mirë ka ardhur ditën e sotme nga Italia për të gjithë emigrantët shqiptarë atje. Konkretisht, duke nisur nga viti 2023 qeveria italiane do të njohë vitet e punës në vendin tonë. Kjo do të favorizojë emigrantët shqiptarë që jetojnë e punojnë në shtetin fqinjë duke u dhënë të drejtën e pensionit në momentin që mbushin moshën e përfitimit. Senati tashmë ka miratuar fondin e propozuar nga kabineti i ministrave, teksa pritet dhe miratimi i marrëveshjes mes dy shteteve.
Bëhet me dije se, senati ka miratuar fazën e parë duke i dhënë votat pro relacionit të buxhetit për 10 vitet e ardhshme ku kryeministri Mario Draghi ka parashikuar 136 milionë euro për zbatimin e paktit me shtetin shqiptar. Ekspertët shprehen se impakt në ndryshimin e qëndrimit të senatit kanë qenë kërkesat e shumta të shtetasve shqiptarë që kanë punuar në të dy anët e Adriatikut.
Discussion about this post