Milan ka marrë një lajm shumë të keq përpara ndeshjes së Champions League kundër Liverpool. Infermierisë së klubit ‘Kuqezi’ të Italisë i është bashkuar edhe Rafael Leao.
Ai nuk do të jetë në gjendje që të marrë pjesë në takimin e fundit të fazës së grupeve për Champions, që është edhe vendimtari në kalimin apo jo në fazën tjetër nga ‘Djalli’, si dhe to të humbasë edhe takimin me Udinesen në Seria A, ndërsa rrezikohet edhe takimi me Napolin.
Leao ka një traumë muskulore në kofshën e djathtë, teksa tashmë Piolit i duhet të zgjedhë mes Krunic dhe Messias.
Po ashtu edhe Theo Hernandez nuk mori pjesë në seancën e fundit stërvitore, pasi u mbajt pushim si masë paraprake sepse kishte ethe.
Ndërsa ende nuk dihet nëse Hernandez do të grumbullohet për takimin ndaj Liverpool të martën në mbrëmje edhe pse ndoshta jo në gjendjen më të mirë./K.T/Gijotina.com
Discussion about this post