Gazetari i njohur sportiv, Vladimir Grillo është ndarë nga jeta në moshën 74-vjeçare. Lajmin e ka bërë të ditur gazetari Dëfrim Methasani në një postim në Facebook.
“Shuhet ikona e ekranit per sportin Vladimir Grillo, gazetari dhe komentatori me të cilin ndava 25 vite të jetës sime. Humba një mik të shtrenjtë, ashtu si familja Grillo njeriun më të dashur të saj. Vërtet dhimbje e madhe.
Rtsh humbi simbolin sportiv dhe të mikrofonit. Sëmundja e rëndë e rrëzoi mjeshtrin e fjalës dhe komentit në moshën 74 vjeçare. U prehtë në paqe. Mungesa e tij do të na shoqëroj gjithë jetën”, shkruan Dëfrim Methasani.
Prej dy vitesh Grillo vuante nga një smëundje e rëndë. Për më shumë sed 40 vite, ai ishte shndërruar në një ikonë të gazetarisë televizive sportive në vend.
Më 2 korrik të vitit të kaluar, ai u nderua me Titullin “Mjeshtër i Madh” nga Presidenti I Republikës Ilir Meta, “Për kontributin dhe vlerat e veçanta në përcjelljen me cilësi të veprimtarive sportive, duke promovuar arritjet në disiplina të ndryshme sportive, si një komentator sportiv i spikatur në Radio-Televizionin Shqiptar, me vlera estetike e qytetare”.
Discussion about this post