Ditën e sotme lajmi që mori vëmendjen kryesore ishte “Kylian Mbappe ka kërkuar largimin nga PSG dhe dëshiron transferimin te Reali”.
Kaq ka mjaftuar që tashmë të bëhej lajmi më i klikuar, por tashmë “Le Parisien” ka raportuar se presidenti Nasser Al-Khelaifi i ka konsideruar thashetheme të lodhshme të gjitha zërat e largimit të sulmuesit francez.
Raportimet për largimin e mundshëm të Mbappes në janar erdhën pasi u tha se sulmuesi ndihet i “tradhtuar” nga drejtuesit e lartë të klubit.
Megjithatë, shihet si e vështirë që të ndodhë largimi i tij në janar, pasi nuk vlerësohet të ketë ndonjë klub që mund të përballojë transferimin e tij.
Ndryshe, 23-vjeçari me PSG ka kontratë të vlefshme deri më 30 qershor 2025.
Discussion about this post