Shpërndanin drogë në Tiranë, Gjykata lë në burg efektivin e RENEA-s, Real Luli dhe dy të arrestuarit.
Kujtojmë se një ditë më parë Policia e Shtetit, në një njoftim zyrtar, ka bërë publike detajet lidhur me operacionin e mbrëmjes së kaluar në Tiranë, ku u arrestuan 5 persona, mes të cilëve dhe një efektiv i RENEA-s.
Sipas SHÇBA, në pranga kanë rënë Real Luli., 27 vjeç, me detyrë punonjës policie në repartin special “RENEA”; Jurgen Luli., 30 vjeç; dhe Gertjan Harapi, 27 vjeç, i dënuar më parë për tentativë vrasje. Gjithashtu po ndiqen në gjendje të lirë shtetasit Gevi Spahia., 26 vjeç dhe Ergi Sala po 26 vjeç, arrestuar më parë për veprën penale ‘’Prodhim dhe shitje e narkotikeve’’.
Nga kontrolli i realizuar në ambiente dhe banesat që dispononin u gjetën dhe sekuestruan në cilësinë e provave materiale sende dhe objekte të kundraligjshme si më poshtë:
– 434 gr kokainë; – 576 gr kanabis, e ambalazhuar; – 100.6 gr lëndë narkotike e llojit “Ekstazy” e ambalazhuar; – 18.2 gr fara të dyshuara për kultivimin e bimëve narkotike; – 7 peshore dhe materiale që shërbenin për ndarjen dhe paketimin e lëndës narkotike; – Vlera monetare 11,890 euro; – 3 armë zjarri të llojit pistoletë të markave BRUNI e GLOCK; – Një krehër metalik brenda së cilës ndodheshin 20 fishekë Mod 56; – 219 fishekë luftarakë të llojeve të ndryshme; – 1 automjet tip Benz; – 7 aparate celularë; – Një pajisje me mbishkrimin “GRANADE FLASH-BANG BRZ-M93 P1 TM-1403”, së bashku me mekanizmin e saj metalik tip mashe; – 2 motoçikleta (pa targa).
Grupi vepronte kryesisht në zonën e njohur si “Parku i autobusëve”, Kombinatit, Misto Mame, Yzberisht dhe Qytet të Nxënësve.
