Një ngjarje kriminale është regjistruar ditën e sotme në Krujë. Një 20-vjeçar është marrë peng në një zonë të pyllëzuar në Krastë.
Mësohet se Drilon Hoxha 22 vjeç, banues në Fushë-Krujë, kishte marrë në automjetin e tij tip Audi, 20-vjeçarin me iniciale B. A., të cilin, më pas e ka goditur me sende të forta në pjesë të ndryshme të trupit.
Gjatë kontrollit të ushtruar nga Policia, në automjetin tip Audi, u sekuestrua, në cilësinë e provës materiale, telefoni, që i përkiste shtetasit B. A. Nën drejtimin e Prokurorisë po punohet për zbardhjen e plotë të motivit të kësaj ngjarjeje.
Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme, për veprat penale “Heqja e paligjshme e lirisë”, “Plagosja e lehtë me dashje” dhe Vjedhja me dhunë“.
Discussion about this post