Një tjetër tërmet ka goditur vendin ditën e sotme, pas atij që alarmoi qytetarët në mesnatën e shkuar. Sipas IGJEUM, lëkundjet u regjistrua 3 km në Juglindje të Fushë-Arrëzit në orën13:41, me magnitudë 3.4 të shkallës Rihter. Kjo është lëkundja e disatë pas tërmetit të fortë 4.3 që tronditi dje jo vetëm rrethin e Pukës, por u ndje dhe në disa qytete të tjera dhe Tiranë.
Tërmeti i mbrëmjes së të premtes (Ora 22:37) ka shkaktuar dëme në disa ndërtesa në Pukë teksa banorët e kanë kaluar të tronditur natën. Ata kanë deklaruar se është ndjerë një oshëtimë e fortë dhe se lëkundja ka qenë e tillë sa dukej sikur po i fundoste.
Ndërsa pak më parë u raportuan probleme të mëdha materiale, madje parashikohet që vlera e tyre shkon në 3 milionë lekë, por edhe më shumë pasi vazhdojnë inspektimet.
Discussion about this post