GJKKO ka refuzuar të ndryshojë masën e sigurisë për ish-drejtoreshën e Prokurimeve Publik, Edlira Naqellarin. Naqellari u arrestua nga SPAK si pjesë e grupit të zyrtarëve që abuzuan me tenderin e uniformave të policisë, i cili kap vlerën e 28 miliard lekëve.
Ajo u la në arrest me burg, masë të cilën e ankimoi duke kërkuar një më të butë, por kërkesa e saj nuk u pranua nga GJKKO.
Referuar dosjes hetimore, gjatë hetimeve për këtë tender SPAK ka konstatuar shkelje të rregullave të prokurimit publik, bërë nga anëtarë të Njësisë së Prokurimit si të cilët në bashkëpunim me njëri-tjetrin dhe me titullarin e Organit Qendror Blerës, kanë sjellë avantazhe dhe privilegje të padrejta në kualifikimin e operatorit fitues në këtë procedurë prokurimi.
