Të shtëna me armë zjarri janë regjistruar ditën e sotme në Peqin.
Sipas burimeve, raportohet se ngjarja ka ndodhur në afërsi të zonës së kalasë së qytetit. Ka qenë një telefonatë në sallën operative që ka njoftuar për të shtënat me armë.
Nuk dihet nëse ka persona të lënduar nga të shtënat. Sakaq dhjetëra forca policie nga Elbasani janë nisur drejt Peqinit.
Burimet bëjnë me dije se në momentin e të shtënave, i pranishëm ka qenë edhe kreu i Bashkisë, Bukurosh Maçi
i cili sipas të dhënave ka debatuar me personin që dyshohet të ketë qëlluar në ajër disa herë.
Burime nga drejtoria e Policisë thonë se falë reagimit të menjëhershëm ka bërë të mundur identifikimin e personit që ka qëlluar, si dhe ka njoftuar komisariatin e drejtoritë e tjera të policisë nëpër qarqe, pasi ka dyshime se ai është larguar nga qyteti i Peqinit pas ngjarjes.
Discussion about this post