Ditën e sotme është vënë në pranga një 28-vjeçar i quajtur Emra Korteshi, pasi tentoi të vriste me armë zjarri një të ri në Kamëz. Sipas të dhënave të publikuara nga policia, ngjarja ka ndodhur në rrugën “Shaban Bardhoshi”, ku 28-vjeçari ka nisur debate për motive të dobëta me një person tjetër dhe në sherr e sipër, i riu ka qëlluar me armë zjarri drejt një shtetasi tjetër, dhe më pas është larguar.
Më pas efektivët e policët kanë organizuar punën me qëllim kapjen e autorit të dyshuar dhe kanë finalizuar me sukses operacionin policor të koduar “Speed”. Si rezultat i punës dhe veprimeve të shpejta profesionale, nga specialistët për Hetimin e Krimeve në Komisariatin e Policisë Nr. 6, brenda pak orësh, u bë kapja E. K., 28 vjeç, banues në Kombinat. Mbi të cilin rëndojnë veprat penale “Vrasja me dashje” mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”.
Discussion about this post