Ditën e sotme Kosova ka shënuar numrin më të ulët të infektimeve që prej disa muajsh. Ministria e Shëndetësisë atje bën me dije se në 24 orë e fundit janë shënuar 6 raste me koronavirus nga 1.575 testime të kryera. Ndërkohë, lajm edhe më i mirë është fakti që për të disatën ditë radhazi në Kosovë nuk ka asnjë humbje jete si pasojë Covid-19.
Sipas të dhënave nga Instituti Kombëtar i Shëndetësisë Publike të Kosovës, në 24 orët e fundit janë dhënë 1.802 doza të vaksinës kundër COVID-19. “Prej fillimit të vaksinimit në të gjitha qytetet e Kosovës janë dhënë 1.609.325 doza të vaksinës. Deri më sot 758.250 qytetarë janë vaksinuar me dozën e dytë. Gjatë 24 orëve të fundit, është shënuar 1 rast i vdekjes”, thuhet në njoftimin e MSH-së.
Ministria e Shëndetësisë bën të ditur se sot janë shëruar tetë qytetarë, derisa numri i përgjithshëm i të shëruarve është 157.727, ndërsa në total numri i rasteve aktive është 327 pacientë.
Discussion about this post