Një lajm i rremë se Lulzim Basha kishte ndërruar jetë pas një aksidenti automobilistik është shpërndarë gjatë ditës së sotme, por ish-kreu i PD nxitoi për ta mohuar duke thënë se është gjallë dhe mirë.
Lidhur me këtë lajm kryeministri Edi Rama ka ironizuar Lulzim Bashën.
Në një postim në Instagram, teksa ka ndarë reagimin e Bashës për këtë lajm, Rama i shkruan me ironi “Mos e prish gjumin për kaq gjë ty të marrin të keqen”.
Ndërsa krahas postimit ka vendosur edhe një emoji me zemër të kuqe.
Debati ka vijuar edhe më tej. Lulzim Basha, në një postim në rrjetet sociale thekson se: “Nuk kam nga ato halle, që ty ta kanë vrarë gjumin, me shokë e shoqe, që t’i zunë me mollë e dardhë, “pas shpine”, me çyrbet e kapura duke blerë vota krimi për ty, apo “mikun” tënd McGonigal, që sot është në burg, i paguar, për të sajuar poshtërsi ndaj meje.”
Discussion about this post