Çifti i njohur, Venera dhe Lindi, janë shumë aktiv në rrjetet sociale, ku ndajnë me ndjekësit e tyre detaje nga jeta personale dhe profesionale.
Para pak muajsh, u përfol se ata do të kurorëzonin dashurinë e tyre në verë, por si duket kanë preferuar stinën e vjeshtës.
Sipas një burimi nga revista “Who”, është zbuluar se dasma do të jetë këtë fundjavë, më datë 7 tetor.
Ceremonia do të zhvillohet në mjediset e një hoteli në bregdet, por asnjë nga artistët nuk ka bërë ende publike ndonjë detaj.
Kujtojmë që para pak kohësh, gjatë emisionit “Ftesë në pesë” Venera ka shprehur pak nga planet e saj rreth dasmës.
“Fund shtatori, fillim tetori do bëjmë diçka të vogël që me siguri do të bëhet e madhe”- u shpreh Venera.
Discussion about this post