Ish-Presidenti amerikan Joe Biden është diagnostikuar me kancer të prostatës. Sëmundja e tij u zbulua nga mjekët, teksa Biden u vizitua javën e kaluar, pas shfaqjes së simptomave të para.
Sipas burimeve zyrtare të zyrës së ish-Presidentit, sëmundja është në gradën e 5-të dhe është përhapur në kocka.
Lajmi i sëmundjes së Biden tronditi botën, teksa politikanë të shumtë dhe udhëheqës botërorë urojnë shërim të shpejtë.
Por çfarë dimë rreth kësaj sëmundjeje?
Kanceri i prostatës është një nga sëmundjet më të zakonshme që prek burrat, por është gjithashtu një nga më të shërueshëmit, me një shkallë mbijetese 10-vjeçare prej 98%.
Pse është ‘agresive’ dhe cila është prognoza?
Kancerit të prostatës i caktohet një pikëzim Gleason, i cili varion nga dy në 10 dhe tregon se sa anormale janë qelizat kancerogjene kur krahasohen me indet e shëndetshme nën mikroskop.
Zyra e Bidenit tha se rezultati i tij ishte 9, duke sugjeruar një formë shumë agresive të sëmundjes.
Prognoza zyrtare e Bidenit nuk dihet, por familja e tij po shqyrton opsionet e trajtimit.
“Burrat me kancer të prostatës që është përhapur si ai i Bidenit, mund të jetojnë 5, 7, 10 ose më shumë vjet me trajtim”, ka deklaruar Dr. Judd Moul, një ekspert i kancerit të prostatës në Universitetin Duke.
Çfarë trajtimesh janë në dispozicion?
Kjo mund të përfshijë radioterapi, ultratinguj të fokusuar me intensitet të lartë (HIFU), krioterapi, trajtim hormonal ose heqje kirurgjikale të prostatës.
Por trajtimi do të varet nga kanceri. Ai ndryshon nga pacienti në pacient.
Discussion about this post