Xhonatan Lajthia është shfaqur protagonist në ndeshjen që ekipi i tij, Dibba Al Fujairah, fitoi në transfertë përballë Dubai City. Sfida e javës së parë të ligës së parë, përfundoi me shifrat 1-3.
Ishte pikërisht sulmuesi shqiptar ai që shënoi golin e 3-të për të tijët. Lajthia e gjeti rrugën e rrjetës në minutën e 38-të, duke çuar shifrat në 0-3, e duke ia bërë më të lehtë fitoren ekipit të tij.
Kujtojmë se 27-vjeçari u bashkua me skuadrën nga Emiratet e Bashkuara Arabe vetëm disa javë më parë. Më herët, Lajthia ka luajtur në Shqipëri me Elbasanin, Bylisin, Lushnjën, Egnatian, Teutën dhe Erzenin.
Discussion about this post