“Lal “djegësi”, Beni po të pret”, mesazhi paralajmërues për Veliajn

Ish-Kryeministri Sali Berisha, përmes rrjeteve sociale, i ka përcjellë një mesazh të qartë Kryebashkiakut Erion Veliaj, i cili është një nga zyrtarët e lartë, që përfshihet në dosjen e SPAK lidhur me aferën e inceneratorëve.

Berisha në postimin e tij shkruan “Lal “djegësi,” Beni po të pret! Doje t’i arrestoje ish-bashkshorten dhe partneren o i mjerë!”.

Duket se kreu demokrat i ka bërë një paralajmërim të qartë Veliajt, duke i kujtuar Arben Ahmetajn, ish-zv.Kryeministrin socialist, që ndodhet në arrati, pasi SPAK kërkoi arrestimin e tij, lidhur me aferën e inceneratorëve.

Ndaj Ahmetajt SPAK kreu një hetim të thelluar duke ngritur jo thjesht akuzën e shpërdorimit të detyrës, sikundër ka ndodhur rëndom me shumë prej zyrtarëve të hetuar, por e akuzon për pastrim parash, fshehje pasurie, korrupsion.

Lidhur me aferën e inceneratorëve, SPAK vijon hetimet, ndërsa ka vendosur sekuestro për inceneratorin e Tiranës, i cili është marrë në administrim nga shteti. Ndërkohë Erion Veliaj është marrë në pyetje për rreth 4 orë lidhur me aferën, por seanca ndaj tij me prokurorët e SPAK është mbajtur thuajse sekret dhe e paraportuar në shumicën e mediave.