Kryebashkiaku i Tiranës, Erion Veliaj, nuk i kursen abuzimet me fondet edhe kur ato janë për varret. Sigurisht tingëllon rëndë e thënë kështu, por këtë radhë Lali Eri i ka zhytur duart në nëntokën e varreve për të nxjerrë përfitime. Bëhet fjalë për tenderin me objekt “Blerje veshje nëntokësore varri”, i zhvilluar nga Agjencia e Shërbimeve Funerale, në varësi të Bashkisë Tiranë.
Pavarësisht se vartësit merren me organizimin e tenderit, në vulosjen e kësaj afere ka dorë edhe Lali Eri. Prokurimi është zhvilluar në 21 korrik 2023, por fituesi është vendosur pas 2 muajsh për shkak se ka pasur një denoncim në KPP.
Konkretisht, ankesën e ka bërë firma “Dajti Park 2007” lidhur me vendimmarrjen e Komisionit të Vlerësimit të Ofertave mbi skualifikimin e ofertës së paraqitur nga operatori në fjalë. Si pasojë e “ankesës”, “Dajti Park 2007” do të përfitonte tenderin. Por, edhe pse bëri një denoncim në KPP për shkelje ligjore dhe parregullsi nga ana e Bashkisë, tani në fund kontrata është në kundërshtim me ligjin e prokurimeve.
Në dokument shohim se për këtë prokurim kanë paraqitur oferta katër firma, “VELLEZERIT KUKA” SHPK, “Dajti Park 2007”, “Sinder AB” sh.p.k dhe “THEOS” sh.p.k. Por, pas denoncimit në KPP, Veliaj nuk rrezikoi të stërzgjaste më shumë procedurat, por me datë 22 shtator 2023 ka shpallur fitues pa garë fare “Dajti Park 2007”, të pronarëve Lulzim Qefalia dhe Desart Kalaja.
Kjo jep përshtypjen se denoncimi në KPP ishte një skemë e Veliajt për t’i hequr qafe konkurrentët.
Kështu, tenderi mori “Red Flag” nga monitoruesi Open Data Albania dhe shkeljet ligjore janë një alarm, sepse risku i korrupsionit është i lartë. Kanë 140 Milionë lekë që Lali Eri i xhiron tek Qefalia.
Kjo është një situatë që përsëritet!
Në shkurt të këtij viti Gijotina.com ka treguar se si Veliaj i fali tenderin 900 milionë lekë Qefalisë, pasi ai e denoncoi në KPP për një tjetër tender për varrezat.
Pra “lufta për varrezat” është e hershme dhe me këtë lloj skeme Qefalia ka arritur ta bindë Veliajn t’i japë para pa konkurrencë. Në fund të fundit ka një mik të fortë, vëllain e tij politikan Xhemal Qefalinë që ia zgjidh pengesat në Bashkianë e Tiranës. Me të njëjtën rrugë abuzive në shkurt 2023, Qefalinjtë morën 910 milionë lekë si dhuratë nga Veliaj, ndërsa aferat po vazhdojnë.
Ndërkohë edhe Desart Kalaja është po kaq i përfshirë në këto abuzime me fondet e bashkisë Tiranë. Ky i fundit u fut në këtë kompani pasi babai i tij Ylber Kalaja i dhuroi aksionet, për të fshehur abuzimet e veta. Ylber Kalaja është i përfshirë në listën e biznesmenëve që janë futur në botën e drogës, prostitucionit dhe korrupsionit, por sërish mbeten të privilegjuarit e qeverisë.
Ndërkohë me tenderin e fundit nuk ka punë vetëm SPAK-u, por u doli një subjekt edhe programeve të humorit!
Lexzo edhe: Taksa për arsimin, si dështuan investimet me dhe pa PPP të Veliajt
Discussion about this post